Një tjetër lajm i mirë vjen nga kryeministri Rama, ku njofton se falë izolimit total të vendit, rezultati është i shkëlqyer lidhur me mos përhapjen e koronavirusit më tej.
Teksa e ka demostruar me anë të një grafiku nga data 8 mars e deri më 7 prill, Kreu i Qeverisë, Edi Rama, zbulon se gjatë 10 ditëve të fundit kemi rënie graduale të shtrimeve në mjediset spitalore.
Ai këshillon qytetarët se në të mirë të shëndetit të tyre që është primare, kjo masë nuk duhet shkelur për asnjë arsye.
Rama kërkon nga shqiptarët që të ruajnë durimin, pasi armikun e padukshëm e kemi pas dere.
Statusi
? SHUMË E RËNDËSISHME: FALË MASAVE TË SHPEJTA E TË FORTA DHE REZISTENCËS SUAJ TË SHKËLQYER, 10 DITËT E FUNDIT KEMI RËNIE GRADUALE TË SHTRIMEVE NË MJEDISET SPITALORE COVID?
*Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur, e dyta duhet të vazhdojmë kështu me durim sepse armikun e kemi pas çdo porte, e treta po vazhduam kështu, do dalim më shpejt fitimtarë se shumë të tjerë dhe me kokën lart përpara brezave që vijnë nga kjo sfidë historike”, shkruan Rama në Facebook.
