Shqipëria i ka kërkuar ndihmë Qendrës Euroatlantike të Koordinimit të Përgjigjes ndaj Fatkeqësive e NATO (EADRCC) në lidhje me situatën e krijuar nga koronavirusi.
Përmes një shkrese që mban datën 27 mars 2020, vendi ynë ka kërkuar ndihmë për pajisje mjekësore nga maskat e deri tek ventilatorët.
Kërkesa përmban listën e plotë për pajisje mjekësore nga maskat e deri tek ventilatorët.
“Me qëllim të parandalimit të përhapjes së virusit në stafin shëndetësor, stafit në vijën e parë dhe qytetarëve, iu kërkojmë partnerëve tanë ndërkombëtarë t’i japin ndihmë Ministrisë së Shëndetësisë dhe Mbrojtjes Sociale në përgjigjen ndaj pandemisë globale”, thuhet në dokument.
Lista e pajisjeve të kërkuara për bluzat e bardha dhe spitalet përfshin:
2 mijë kaska mbrojtëse CPAP
2 mije kaska mbrojtëse NIV
200 njësi monitorimi kontrolli
1 mijë Matës të rrjedhës së oksigjenit
300 mijë Doreza nitrile 230 mm
200 mijë veshje mbrojtëse për mjekët
1 milion maska kirurgjikale
500 mijë maska FFP3
500 monitorë me shumë parametra
500 pompa shiringe
300 ventilatorë për kujdes intensiv (me kompresorë ajri)
500 ventilatorë për kujdes nën-intensiv (me baze turbine)
500 shtretër me dyshekë
500 pajisje për shtretërit
500 dollapë për veshjet
Më herët edhe vende të tjera anëtare të NATO-s kanë kërkuar ndihmën e aleancës për të përballuar pandeminë.
