Shqipëria fiton artin/ Basha: Teatri Kombëtar do ndërtohet aty ku ishte

Kryetari i Partisë Demokratike, Lulzim Basha prezantoi programin për artin, në sheshin ku dikur ishte Teatri Kombëtar.

Gjatë fjalës së tij, Basha u shpreh se nuk shquhet për tone të forta, por se çfarë nënshkruan e bën realitet, teksa përsëriti premtimin e tij se Teatri Kombëtar do ndërtohet aty ku ishte dhe siç ishte.

Ndër të tjera, Basha tha se përgjegjësit për shembjen e Teatrit Kombëtar do të dalin para drejtësisë.

Lulzim Basha: ”Ata që e shembën bëjnë gabimin e jetës së tyre nëse mendojnë se beteja mbarojë, bëjnë gabimin e jetës së tyre nëse nënvlerësojnë nënshkrimin tim. Unë nuk shquhem për tone të forta, as për metafora agresive, por çfarë kam nënshkruar e kam bërë realitet dhe po ju them sot se ky simbol nuk do të jetë thjesht një ngacmues i emocionit të dhimbjes për natën e errët të 17 majit, por kujtuesi i përditshëm deri sa Teatri të ringrihet siç ishte, aty ku ishte.

“Atyre që u vërsulën mbi këtë vepër, i them se nënshkrimi im nuk parashikon vetën ringritjen e Teatrit, por çuarjen para drejtësisë të gjithë atyre që morën pjesë në atë krim, nga urdhëruesit te zbatuesit do japin përgjigje para ligjit”.