Ambasadorja amerikane Yuri Kim, ka komentuar letrën që presidenti Donald Trump ka dërguar në adresë të kryeministrit Rama.
Kim njofton se ka qenë ajo që ia ka dorëzuar letrën kreut të qeverisë, ndërsa shprehet se SHBA dhe Shqipëria qëndrojnë krah për krah.
“Pata nderin t’i dorëzoja kryeministrit Edi Rama një letër nga presidenti Donald Trump, ku falenderohet për lidershipin në Ballkan dhe Europë; duke refuzuar praktikat abuzive të Kinës dhe duke mbështetur normalizimin ekonomik mes Kosovës dhe Serbisë si dhe marrëveshjen e Abrahamit. Krah për krah”, shkruan Yuri Kim.
Presidenti i SHBA, Donald Trump, i ka dërguar mbrëmjen e kaluar një letër falënderuese kryeministrit Rama, duke e falenderuar për qëndrimet që ka mbajtur kohët e fundit vendi ynë mbi çështjet globale.
