Kryetari i Partisë Demokratike, Lulzim Basha ka ndarë një mesazh në 12-vjetorin e anëtarësimit të Shqipërisë në NATO.
Basha shpreh se me 25 prill duhet votuar partia Demokratike, dhe i bën thirrje qytetarëve që t’i bashkohen në mënyrë që vendi të anëtarësohet në BE.
”12 vite më parë e anëtarësuam Shqipërinë në NATO. Me 25 prill votoni Partinë Demokratike, votoni numrin 9 dhe bashkohuni me mua për ta anëtarësuar Shqipërinë në Bashkimin Europian.”, shkruan Basha në rrjetin social, Facebook.
Shqipëria feston sot 12-vjetorin e anëtarësimit në NATO, që ndryshe njihet si Aleanca e Atlantikut të Veriut. Qëllimi i NATO-s është të garantojë lirinë dhe sigurinë e anëtarëve të saj nëpërmjet mjeteve politike dhe ushtarake.
