Ish-ministri i Drejtësisë, Ylli Manjani, ka sulmuar ashpër kryeministrin Rama në lidhje me bisedimet mes Greqisë dhe Shqipërisë, të cilat po hasin në përplasje qëndrimesh mes dy homologëve.
Gjatë paradites së sotme ishte ministri i jashtëm i Greqisë, i cili deklaroi se Shqipëria ka pranuar që të zgjerohet kuifiri detar me Shqipërinë në 12 milje, ndërsa theksoi se është rënë dakord për korrigjimin e teskteve shkollore që mbajnë përmbajtje irridentiste dhe pretendime territoriale.
Ndërkohë pak më parë, ishte Ministria e Punëve të Jashtme dhe Evropën, me anë të një deklarate ka theksuar se është në interesin e të dyja vendeve të gjendet një zgjidhje, duke hedhur “poshtë” deklaratën e ministrit grek të bërë gjatë paradites.
Ndërkohë reagime dhe kritika të forta ka patur edhe nga figura politike. Me anë të një postimi në rrjetin social “Facebook” Manjani sulmon kryeministrin Rama, pasi sipas tij, bleu mandate pushteti nga PDIU për të shitur Shqipërinë dhe Çamërinë. Manjani shkon më tej teksa shkruan se çdo ditë po del një skandal i ri në sipërfaqe, ndërsa shprehet se nuk ka asnjë mundësi për t’u mbrojtur më kryerilindasi.
Statusi i Manjait:
Kryerilindasi mendon se po mbrohet duke hequr poturet e duke hyrë në çizme. Bleu mandate pushteti me siglën e PDIU për të shitur Çamërinë e Shqipërinë! Tashmë po del çdo ditë në sipërfaqe një krim apo një skandal i ri!Ska më as çizme e as poture që e mbrojnë!