Rreth 1650 forca policie do të jenë të angazhuar për ndeshjen kualifikuese që Shqipëri-Francë. Në planin e masave do të ketë forca të shumta policie, stjuartë dhe personel shtesë.
Sipas Panoramës, për këtë ndeshje, Federata Franceze e Futbollit ka bërë edhe një kërkesë për numrin e tifozëve që do të ketë të pranishëm. Si tifozëri mike do të ketë një dispozicion 5% të kapacitetit nga 21 200 (neto).
“Blindimi” i Tiranës tregon dhe vlerësimin për ndeshjen. Nisur jo vetëm nga që në fushë do të jenë kampionët e botës, por edhe senë inaugurimin e stadiumit të ri kombëtar do të jenë krerët e shtetit shqiptar. Krahas tyre, kreu i UEFA-s, Aleksandër Ceferin. Në listën e të ftuarve jane dhe shumë drejtues federatash të ndryshme europiane.
Gazeta ka mësuar se do të jenë të paktën 1650 forca që do të angazhohen. Policia do të kujdeset dhe për kontrollin dhe drejtimin e tifozëve, që nga mbërritja në perimetrin rrethues e deri në shkallët e stadiumit.
