E hënë, 29 Nëntor, 2021
8.5 C
Tirana

Vajza që u bë “mollë sherri” mes Ahmet Zogut dhe Faik Konicës

Ahmet Zogu dhe Faik Konica përveç që s’e pëlqenin njëri-tjetrin ata kishin një të përbashkët, qenë fiksuar pas një vajze me emrin Sara.

Ajo, përveç që ishte shumë e bukur, shquhej edhe zgjuarsinë e saj, dhe aftësinë për ta bërë për vete, secilin burrë që donte.

Sara Blloshmi ka lindur në Turqi, si e bija e Vehab bej Serdar dhe e Mevedet Vlorës, ndryshe ishte mbesa e Ismail Qemalit.

Pas fëmijërisë në Stamboll e disa vite në Paris, kishte ardhur në Shqipëri në kohën e mbretërisë, kur edhe ‘trazoi’ ujërat.

Për aristokraten inteligjente, në Tiranën e Zogut president e mbret, zënë fill historitë e rrëfimet që e përmendin emrin e saj herë si agjente e herë si gruaja që rrëmbente vëmendjen e gjithë burrave.

Sara ishte edhe gruaja e parë myslimane që në një ballo diplomatësh kërceu në publik.

Është ajo personazhi kyç i romanit të ish-deputetit e gazetarit Alfred Peza, që kishte ngjallur kureshtjen në Tiranën e 100 viteve më vonë.

Libri i tij mban titull emrin e saj “Sarah”.

Sarah tregonte një nivel të lartë të femrës shqiptare në vitet ‘20-të, një grua që luan tenis, vishet bukur dhe di të luajë me zemrën e një burri.

Peza e ka mbështetur imazhin e saj në historinë e vërtetë të një gruaje që ka trazuar zemrën e Ahmet Zogut në ato vite sipas historianëve.

Ajo është Sara Blloshmi, mbesa e Ismail Qemalit, një prej vajzave më të bukura të kohës.

Por nuk ishte vetëm Ahmet Zogu që u dashurua prej saj, por edhe një figurë tjetër e rëndësishme e kohës, siç qe Faik Konica.

“Sarah” është libri i tij i dytë që hedh dritë mbi gruan enigmatike e prapë kaq interesante për të cilën ambasadori gjerman e 1926-ës do të shkruante “zonja Blloshmi ka disa kohë që shfaqet e pambuluar në shtëpitë e botës, ambasadorit amerikan dukej se arritjet e përparimit, e lirisë dhe qytetërimit i shijuan veçanërisht.

Ka tepër të ngjarë që të ketë informuar me një telegram edhe Shtëpinë e Bardhë.

Shqiptarët pleq nga ana tjetër u ndjenë thellësisht të fyer.

S’paskësh mbetur më gjë e shenjtë mbi dhe, menduan, duke u dridhur nga përfytyrimi i një Shqipërie të ardhshme me kapela dhe dansim, futboll dhe poker, me trarà burse e mish derri dhe me një ngutje e dalldisje të jetës, që deri dje rridhte e qetë dhe plot filozofi”. /gazetaexpress

- Reklama -

Më shumë nga kategoria




Të fundit

Foltorja e Kuçovës dhe kuvendi i partisë: numrat, superstruktura e ideologjia

Nga: Genc Pollo 1-NUMRAT E KUÇOVËS E MË GJERË  Javën e kaluar isha i pranishëm në Foltoren e PD-së në Kuçovë; aty kam shërbyer si deputet...

Implementohet teknologjia e re për pozicionin jashtë loje

FIFA vjen me risi, ku do të implementohet teknologjia e re për pozicionin jashtë loje. Kjo teknologji të re, do të implementohet në Kupën...

Çfarë dimë për variantin Omicron, që po “gjunjëzon” botën

Varianti Omicron i COVID-19, paraqet një rrezik global "shumë të lartë", tha të hënën Organizata Botërore e Shëndetësisë (OBSH). Varianti, i klasifikuar zyrtarisht si 'B.1.1.529'...

Dha dorëheqjen javën e kaluar, kryeministrja e Suedisë rikthehet në detyrë

Magdalena Andersson, e cila dha dorëheqjen shtatë orë pasi u zgjodh si kryeministrja e parë femër e Suedisë javën e kaluar, është përzgjedhur sërish...

Ishte duke raportuar LIVE, gazetaren e ngacmojnë duke e prekur nga të pasmet

Një incident ka ndodhur me një gazetare sportive, e cila gjatë raportimit LIVE është ngacmuar nga një person. Por edhe ajo nuk ka qëndruar...