Kryetari i PD-së, Lulzim Basha do të zhvillojë një konferencë për shtyp nga selia blu në orën 12:00, ku në fokus është raporti i OSBE-ODHIR-it. Bashkë me të, në konferencë do të jetë edhe sekretari i Përgjithshëm, Gazment Bardhi dhe Oerd Bylykbashi.
Dje OSBE/ODHIR publikoi raportin përfundimtar të zgjedhjeve të 25 prillit, ku vlerësohet se votuesve shqiptarë iu garantua zgjedhja e kandidatëve, ndërsa dita e zgjedhjeve ishte kryesisht transparente dhe e qetë.
Në këtë dokument vihet theksi tek shit-blerja e votës, si një problematikë e hasur në zgjedhjet e fundit, bazuar kjo në nje numër të lartë hetimesh të ndërmarra, si dhe tek çështja e shumëpërfolur e patronazhistëve.
“Rrjedhja e të dhënave personale të ndjeshme të rreth 900.000 qytetarëve shqiptarë para zgjedhjeve, përfshirë preferencat e tyre politike, ishte shqetësuese, serioze dhe i bëri votuesit të prekshëm nga presioni”, thuhet në një pjesë të raportit të OSBE/ODHIR-it.
