Mbretëresha Elizabeta II ka shfaqur probleme me shëndetin. BBC raporton duke cituar pallatin mbretëror, se ajo e ka kaluar mbrëmjen e të mërkurës në spital, ku ka kryer disa kontrolle mjekësore. Mbretëresha e kaloi natën e së mërkurës në spital për kontrolle paraprake mjekësore, dhe tani është kthyer në Kështjellën Windsor, tha Buckingham Palace. Mbretëresha kishte anuluar një vizitë në Irlandën e Veriut të mërkurën.
Ajo u këshillua për të pushuar për disa ditë, pas një orari të ngjeshur të angazhimeve publike. Në një deklaratë të enjten mbrëma, Buckingham Palace tha: “Pas këshillave mjekësore për të pushuar për disa ditë, Mbretëresha shkoi në spital të mërkurën pasdite për disa kontrolle paraprake, duke u kthyer në Kështjellën Windsor në drekë sot dhe mbetet në humor të mirë”.
Mbretëresha udhëtoi me makinë për në Spitalin e Mbretit Eduard VII në Marylebone, rreth 19 milje (32 km) nga Windsor, ku u pa nga specialistët. Ndonëse duket shumë mirë dhe e lumtur në eventet e shumta që ka marrë pjesë gjatë javës së kaluar, nuk mund të harrohet fakti se ajo është 95 vjeç.
Burimi i lajmit: BBC. Përshtatur nga Tirana Today
