E hënë, 6 Dhjetor, 2021
11.5 C
Tirana

Shpikësi i vaksinës jep alarmin: Virusi Nipah, një kërcënim tjetër pandemik

Teksa bota vazhdon të përballet me COVID-19, ekziston një virus tjetër që është një nga kërcënimet e ardhshme pandemike. Ky është një nga paralajmërimet e bëra nga një shkencëtar, i cili është një nga shpikësit e vaksinave të Oksfordit/AstraZeneca.

Virusi është emërtuar Nipah, dhe aktualisht nuk ka as trajtim mjekësor dhe as vaksinë.

“Nëse do të kishim një lloj delta të virusit Nipah, ne do të kishim papritur një virus shumë të transmetueshëm me një përqindje vdekshmërie 50 përqind”, tha Dame Sarah Gilbert gjatë një ngjarje në Festivalin e Letërsisë Cheltenham në Mbretërinë e Bashkuar, të enjten.

Pra, çfarë është virusi Nipah dhe a duhet të shqetësohemi?

Virusi Nipah nuk është i ri. Në vitin 1999, virusi mbërriti në Malajzinë qendrore, pasi gjeti një strehë tek lakuriqët e natës, të cilët më pas u ndalën për të ngrënë nga pemët frutore që vareshin mbi fermat e derrave.

Si transmetohet?

Transmetimi mendohet të ketë ndodhur nëpërmjet ekspozimit të pambrojtur ndaj sekrecioneve nga derrat, ose kontaktit të pambrojtur me indet e një kafshe të sëmurë. Rreth 105 malajzianë vdiqën brenda tetë muajve, pasi ranë në kontrakt me virusin. Nipah vrau rreth 40 përqind të të infektuarve.

Virusi Nipah mund të transmetohet te njerëzit nga kafshët, si dhe nga ushqimet e kontaminuara dhe kontakti njeri me njeri.

Cili është kërcënimi sot?

Nipah tani shpërthen çdo vit në Bangladesh, dhe gjithashtu shfaqet periodikisht në Indinë lindore. Në shtator, një djalë 12-vjeçar vdiq pasi u infektua me virusin.

Organizata Botërore e Shëndetit (OBSH) thotë se në shpërthimet e mëvonshme në Bangladesh dhe Indi, konsumi i frutave ose produkteve të frutave (të tilla si lëngu i palmës së hurmës) të kontaminuar me urinë ose pështymë nga lakuriqët e infektuar, ishte burimi më i mundshëm i infeksionit.

Lexo edhe :   Pandemia/ Sa të saktë janë testet e shpejta?

Sipas OBSH -së, vendet me lloje të caktuara të lakuriqëve të natës, gjithashtu mund të jenë në rrezik, përfshirë Kamboxhia, Gana, Indonezia, Madagaskari, Filipinet dhe Tajlanda.

Transmetimi nga njeriu te njeriu i virusit Nipah, është raportuar edhe në mesin e familjeve dhe kujdestarëve të pacientëve të infektuar.

Lexo edhe :   Një infermiere akuzohet për bërjen e kartave të rreme të vaksinës Covid-19

Nga viti 2001 deri në vitin 2008, rreth gjysma e rasteve të raportuara në Bangladesh ishin për shkak të transmetimit nga njeriu te njeriu, nëpërmjet ofrimit të kujdesit për pacientët e infektuar.

Sa vdekjeprurës është virusi?

Shkalla e vdekshmërisë në rastet e raportuara, vlerësohet në mes 40 dhe 75 përqind, sipas OBSH-së. Njerëzit mund të zhvillojnë infeksione asimptomatike, por simptomat mund të shkojnë nga infeksioni i lehtë deri tek ai i rëndë respirator dhe encefaliti fatal (inflamacion i trurit).

Njerëzit e infektuar fillimisht zhvillojnë simptoma duke përfshirë ethe, dhimbje koke, dhimbje të muskujve, të vjella dhe dhimbje të fytit. Kjo mund të pasohet nga marramendje, përgjumje dhe shenja neurologjike që tregojnë encefalit akut.

Burimi i lajmit: euronews. Përshtatur nga Tirana Today

- Reklama -

Më shumë nga kategoria




Të fundit

Ish-banori i “Big Brother”: Donaldi nuk është fitues, mes çiftit s’ka dashuri

Ish-banori i “Big Brother”, Adi Pojana, teksa ishte i ftuar në studion e “Shqipëria Live”, ka komentuar lidhjen e shumëpërfolur mes Donaldit dhe Beatrix. Për...

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...