Një shpërthim me lëndë eksplozivi është regjistruar gjatë orëve të vona të natës së mbrëmshme në lagjen ‘Hasan’ të Fushë-Krujës.
Sipas të dhënave të para, lënda plasëse, tritol, i është vënë një mjeti, që ishte parkuar në oborrin e një banese.
Mësohet se mjeti i përket shtetasi Afrim Ceku, i cili nga policia thuhet se nuk është i përfshirë në konflikte.
Nga shpërthimi nuk raportohet për të lënduar, por vetëm dëme të shumta materiale.
Kjo nuk është hera e parë që në Fushë Krujë ndodhin shpërthime tritoli, ndërsa policia ka nisur hetimet për të identifikuar dhe arrestuar autorët.
