Një ngjarje e rëndë është regjistruar në Kolumbi, ku të paktën 7 persona kanë humbur jetën pasi një cisternë e përmbysur në autostradë shpërtheu në flakë.
Hetuesit thonë se kamioni cisternë u përplas pak pasi shoferin e zuri gjumi në timon mëngjesin e sotëm në autostradën pranë qytezës së Pueblo Viejo. Njerëzit kanë përfituar nga kjo gjë dhe janë grumbulluar për të marrë karburant.
Por disa momente më vonë cisterna shpërthen në një top gjigand flakësh ndërsa njerëzit vrapojnë larg saj duke ulëritur nga tmerri. Rreth 40 persona kanë mbetur të plagosur, teksa disa prej tyre kanë pësuar djegie të rënda.
“Kjo është një tragjedi. Shumë familje tani nuk e dinë ku janë fëmijët e tyre”, tha kryebashkiaku Fabian Obispo.
Senatori Armando Benedetti tha se incidenti zbulon çështje të vjetra si mungesa e prezencës së shtetit për varfërinë dhe pabarazinë.
“Kjo ndodhi sepse ata po përpiqeshin të mbijetonin”, tha ai.
