Një shpërthim me lëndë plasëse ka ndodhur në oborrin e një banese në Fushë-Krujë. Policia, nga të dhënat paraprake informon se shpërthimi ka ndodhur në pjesën e jashtme të oborrit të banesës së shtetasit me inicialet A.P., 40-vjeç.
Uniformat blu po punojnë për zbardhjen e rrethanave të ngjarjes, ku fatmirësisht nuk raportohet për të lënduar.
Informacion paraprak
Më datë 02.10.2019, në fshatin Halil, Fushë- Krujë, në pjesën e jashtme të oborrit të banesës së shtetasit A.P., 40 vjeç, dyshohet se ka shpërthyer një sasi e vogël lënde plasëse pa shkaktuar probleme në njerëz. Grupi hetimor po punon zbardhjen e rrethanave të ngjarjes, identifikimin dhe kapjen e autorit.
