Një shpërthim i fuqishëm ka ndodhur në qytetin e Elbasanit. Paraprakisht bëhet me dije se shpërthimi ka ndodhur në zonën e ish-Metalurgjikut në Elbasan, ku për pasojë kanë mbetur të plagosur 7 punonjës.
Burimet ende jo zyrtare bëjnë me dije se 3 nga të plagosurit, ndodhen në gjendje të rëndë për jetën.
Shpërthimi ka ndodhur në repartin e oksigjenit në Kurum, ndërkohë që tre autoambulanca janë nisur drejt vendit të ngjarjes.
Nuk dihet ende se çfarë e ka shkaktuar shpërthimin në fjalë, ndërkohë që në vendngjarje ndodhen dhe disa makina policie.
