Një shpërthim i fuqishëm ka ndodhur gjatë natës në qytetin e Vlorës. Shpërthimi ka ndodhur në një biznes në afërsi të rrugës Transballkanike.
Ndërkaq, burime bëjnë të ditur se pas shpërthimit policia ka pikasur dy persona që po largoheshin me vrap nga vendngjarja, por pa mundur t’i identifikojë.
Po ashtu janë sekuestruar kamerat e sigurisë në zonë për të bërë të mundur identifikimin e autorëve si dhe kapjen e tyre. Nga shpërthimi ka pasur dëme materiale, ndërkohë që nuk ka raportime për të lënduar.
Policia ka nisur hetimet për zbardhjen e ngjarjes.
