Një ngjarje e rëndë ka ndodhur në Fushë-Krujë, teksa kati i fundit i një pallati është përfshirë nga flakët.
Deri më tani mësohet se nga tymi i zjarrit janë asfiksuar 4 fëmijë, të cilët janë dërguar menjëherë në spital dhe ndodhen jashtë rrezikut për jetën. Raportohet se zjarri ka rënë në katin e tretë të një pallati, në fshatin Zallë, të Fushë-Krujës.
Ndërkohë, dyshohet se ka qenë një shkëndijë elektrike nga luhatjet e tensionit ajo çfarë ka çuar në shpërthimin e flakëve, duke bërë që 4 apartamente të digjen. Zjarrfikëset po punojnë akoma për shuarjen e flakëve.
