Kryetarja e Lëvizjes Socialiste për Integrim, Monika Kryemadhi e ka cilësuar kryeministrin Edi Rama si një monstër që po masakron shqiptarët.
Në një prononcim jashtë ambienteve të Kuvendit, drejtuesja e LSI-së tha se tani nuk ka mbetur më asnjë shpresë për shqiptarët.
Do të jenë këta të fundit, sipas saj, që do të marrin fatin e protetës ditën e shtunë dhe opozita do të ndjekë atë që do të kërkojnë qytetarët.
Në këtë mënyrë, Kryemadhi la të kuptohet se protesta mund të jetë e dhunshme.
Monika Kryemadhi: Sot tregoi edhe një herë që nuk ka më shpresë dhe asnjë të ardhme me këtë grup kriminal dhe këtë monstër të trafikut të drogës, ku shqiptarët janë masakruar ekonomikisht dhe shpirtërisht. Zgjidhja është jo vetëm dalja në rrugë por përmbysja e çdo segmenti kriminal dhe për t’i thënë Ramës që ti ke mbetur vetëm, jo vetëm në kauzën e tij narkomane, por edhe në përballjen e tij me drejtësinë. Në 26 maj shqiptarët të jenë në bulevardin Dëshmorët e Kombit për të përmbysur Edi Ramën dhe për ta lënë atë në vetminë e tij. Ne do të udhëhiqemi nga qytetarët dhe do të bëjmë atë që do të kërkojnë qytetarët.
