Një ndër konkurrentët në Festivalin e RTSH-së, Luiz Ejlli ka shpërthyer ndaj prezantuesit të këtij festivali, Adi Krastës.
Ejlli është revoltuar, teksa sipas tij, gjatë mbrëmjes së parë të festivalit të 56-të, prezantuesi Adi Krasta nuk ia ka përmendur emrin në asnjë rast, por ka përmendur vetëm emrin e Rezarta Smajës gjatë kohës që performuan këngën e tyre “Ra një yll”.
Me anë të një postimi në Facebook, Ejlli shkruan se një gjë e tillë nuk ka ndodhur as në kohën e diktatorit Hoxha, teksa publikon edhe 3 video nga mbrëmja.
Nuk dihet nëse ka qenë i qëllimtë fakti se në prezantim nuk u përmend emri i tij por vetëm i koleges.
“Te dashur miq, poshte keni 3 video ku prezantuesi i festivalit te Rtsh-se, Adi Krasta, nuk ma thote emrin. Kjo ska ndodhur as ne kohen e Enver Hoxhes, cfare prapavije ka kjo??? Ky eshte nje skandal!”, shkruan Luiz Ejlli.
