Një ngjarje e rëndë është regjistruar mbrëmjen e sotme në Cërrik, teksa një bombul gazi ka plasur në një banesë duke lënë të plagosur dy persona.
Ngjarja ka ndodhur në fshatin Selitë të Cërrikut, ndërsa të plagosur kanë mbetur i zoti i banesës, 81 vjeç dhe mbesa e tij, 18 vjeç.
Njoftimi i policisë:
Rreth orës 21:00, në fshatin Selitë, Cërrik, në banesën e shtetasit I.Z., 81 vjeç, ka plasur një bombul gazi dhe për pasojë banesa ka marrë flakë është djegur plotësishtë si dhe janë lënduar në trup pronari i banesës dhe mbesa e tij shtetasja K.Z., 18 vjeçe, të cilët janë transportuar në Spital për ndihëm mjekësore, jashtë rrezikut për jetën.
Grupi hetimor ndodhet në vendngjarje dhe po punohet për sqarimin dhe dokumentimin e plotë të rrethanave të ngjarjes.
