Tre femra të cilat akuzoheshin për pornografi, tashmë janë dënuar me burg nga Gjykata e Tiranës. Mësohet se hetimi ndaj të pandehurave me inicialet E. S., B. S. dhe M. A. të moshës 28, 31 dhe 41 vjeç, një prej të cilave nëna e të miturës, ka nisur që në muajin mars të vitit 2018.
Këto shtetase akuzoheshin për publikimin e fotove intime të një minoreje, në web-site +18 në internet. Gratë në fjalë kishin hapur profile me përmbajtje pornografike në internet, ku zhvillonin video-biseda erotike me meshkuj nga gjithë bota.
Këto zhvilloheshin kundrejt pagesave që kryheshin përmes kartave të kreditit. Lidhur me këtë çështje, hetuesit kanë sekuestruar kompjuterët e përdorur në këto qendra “chat-line”, ndërsa rikuperuan të gjitha fotot dhe videot që ishin fshirë. Në morinë e materialeve pornografike, ishin dhe fotot e ‘nxehta’ të së miturës, bën me dije “A2”. Në deklarimet e dhëna gjatë hetimit, e ëma e saj, e pandehur në proces, shpjegonte se kishte dijeni për faktin. Dhe se në disa raste ishte detyruar nga dy të pandehurat e tjera.
Pasi i shpalli fajtore për akuzën e “pornografisë”, gjykata dha dënime nga 3 vjet e 4 muaj në 3 vjet e 8 muaj për to. I njëjti vendim i hoqi përgjegjësinë prindërore nënës së minorenes.
