Një infermiere në Kili e quajtur Damaris Silva ka gjetur mënyrën perfekte për të argëtuar pacientët e saj të cilët janë të infektuar me koronavirus.
Dy herë në javë ajo sapo përfundon punën merr violinën dhe zbavit pacientët me këngë të njohura latine.
“Unë jam duke shpërndarë pak dashuri, pak besim dhe pak shpresë me violinën time e cila si duket është më shumë se sa vetëm muzikë.
Nuk është vetëm një këngë, por sa herë që e bëj këtë gjë, e bëj nga zemra”, u shpreh infermierja.
Silva kalon orë të tëra në korridoret e spitalit të një lagjeje të varfër, të kryeqytetit Santiago.
Në Kili kanë ndërruar jetë mbi 6000 persona nga COVID-19 si dhe janë infektuar rreth 300000.
