Policia Rrugore ka pezulluar 17 patenta në orët e vona të mbrëmjes së djeshme në Tiranë, duke ndëshkuar kështu drejtuesit e makinave që udhëtonin me shpejtësi tej normave. Policia njofton se për 5 orë monitorim me Radar, janë pezulluar 17 leje drejtimi për shpejtësi që varionte nga 138 deri në 170 km/h.
Po kështu, uniformat blu paralajmërojnë qytetarët që të jenë të kujdesshëm, për të mbrojtur vetveten. Policia i drejtohet qytetarëve me një mesazh të qartë, që të mos abuzojnë me shpejtësinë dhe alkoolin.
Njoftimi i policisë
Monitorim i rrugëve me Radar e Drager në orët e vona të mbrëmjes dhe orët e para të mëngjesit për rritjen e parametrave të sigurisë në fundjavë.
Sauk-Teg dhe Durrës – Tiranë. Për 5 orë monitorim me Radar, u pezulluan 17 Leje Drejtimi për shpejtësi që varionte nga 138 deri në 170 km/h.
Kontrollet po vijojnë në këto momente edhe me alkool/testues drager për të ndëshkuar ata drejtues mjetesh që drejtojnë mjetin nën efektin e alkooli apo në gjendje të dehur duke rrezikuar jetën e tyre dhe të përdoruesve të tjerë të rrugës.
Mos shpejto të arrish aksidentin, shpejtësia 
vret jetën?.
Mos abuzoni me shpejtësinë dhe alkoolin se në rastin më të mirë ju pret polici në rrugë.
