Shpallet i vdekur në rrjetet sociale/ Reperi shqiptar: Jam gjallë

Mbrëmjen e djeshme, reperi shqiptar Gold AG është shpallur i vdekur në rrjetet sociale. Madje ka patur postime ku shprehnin ngushëllimet për ketë humbje te madhe. Por reperi ka reaguar, dhe madje thekson se disa llogari të rreme kanë përhapur lajmin e vdekjes së tij, por që është shëndoshë e mirë.

“Vëllezër e motra jam gjallë. E pash që disa fëmijë me llogari të rreme kanë komentuar duke shprehur ngushëllime kinse, paskam ndërruar jetë. Asaj rruge jemi të gjithë, por për like e klikime sot bëhet edhe kjo punë”.

“Uroj të jeni mirë të gjithë, e ju që më keni shpallur të vdekur unë nuk ua dëshiroj vdekjen por jetofshi gjatë e Zoti ju udhëzoftë pa dallim”, ka shkruar ai në një postim në InstaStory.