Seanca e sotme është kthyer në një show!
Retorikat e pafundme mes kryeministrit dhe opozitës, tashmë janë kthyer edhe në shfaqje për shqiptarët, por edhe për deputetët e pranishëm.
Teksa Rama fliste nga foltorja e Kuvendit, Basha është ngritur dhe është drejtuar në foltore për të marrë vendin.
“Ku po shkon? S’kam mbaruar fjalën unë! Ulu aty, ulu!”, i thotë Rama Bashës, ndërsa deputetët fillojnë të qeshin, apo flasin nga vendi.
Menjëherë gardistët kanë rrethuar foltoren, ndërsa Rama ka “mbrojtur Bashën”, duke iu drejtuar atyre: “Ikni o çuna, ikni!”.
Në këto çaste, Basha është kthyer mbrapsht në vendin e tij, ndërsa Berisha e ka urdhëruar të shkojë në foltore që të flasë.
Më pas kryeministri Rama i ka “shpjeguar” Berishës situatën, duke i thënë: “Ishte një moment malli mes nesh Sali. Fjalën nuk ia jap Bashës, të takon ty. S’mund të flasë Basha para, teje, vetëm nëse ia jep ti fjalën. Se pastaj na hidhet Flamur Noka nga ballkoni i SHQUP-it. Tani që po ju shikoj, pa Nokën vetëm Berisha bën opozitë”.
Më pas kryeministri është ulur dhe e ka marrë fjalën Basha.
