Në opinionin publik ka shpërthyer një zemërim i madh ndaj Molinës, personi që ka bërë foto mbi arkivolin ku ndodhej trupi i Diego Armando Maradona. Pas shpërthimit të kritikave në rrjet, menjëherë u mor vendimi për ta shkarkuar nga puna.
Punonjësi i shërbimit të funeraleve në Argjentinë, Diego Molina është shkarkuar nga puna pas tronditjes që shkaktoi me foton me trupin e ikonës së futbollit, Diego Armando Maradona. Avokati i Maradonës ka thënë se Diego Molina do ta paguajnë shtrenjtë.
“Diego Molina është një ndyrësirë që bëri foto me arkivolin e Maradonës. Për kujtimin e mikut tim, nuk do të resht deri në fund të jetës time që ai ta paguajë shtrenjtë”, u shpreh avokati i Maradonës.
“Dua që ky derr tullaci të vdesë, e dua të vdekur”, shkruan një fans i Maradonës në rrjetet sociale.
Maradona u shua në moshën 60-vjeçare, pas një arresti kardiorespirator në shtëpinë e tij. Ai ishte operuar 2 javë më parë në kokë, pasi kishte një hematomë në tru.
Diego Armando Maradona nuk u balsamos siç raportuan mediat në Argjentinë, por do të prehet pranë prindërve të tij në varrezën e Bella Vista, 40 kilometra nga Bueno Aires.
Ceremonia ishte private, ku ndodheshin vetëm familjarë dhe miq. Gjatë ditës së enjte pati homazhe për legjendën e futbollit botëror, ku me mijëra iu drejtuan Pallatit Presidencial.
