Ditën e sotme Ministria e Shëndetësisë konfirmoi dy raste të reja me COVID-19 në qytetin e Elbasanit.
Sipas burimeve të “Abc News”, të infektuarit janë një burrë 62-vjeçar dhe bashkëshortja e tij 60 vjeçe.
Mësohet se burri punon shofer në një fasoneri ku kryen transportin e punëtorëve nga qyteti në fabrikë. Gjatë këtyre javëve ai ka punuar me dy turne.
Vetëm 2 javët e fundit, 62-vjeçari ka transportuar rreth 200 punonjës çdo ditë në fabrikë. Sot në Elbasan janë marrë 13 tampone, kontakte të shoferit.
Përhapja e koronavirusit përmes infektimit në fasoneri ka pasur pasoja të rënda në Krujë dhe Laç ku shumica e rasteve të reja ditët e fundit raportohen nga këto dy qytete.
