Shkrirja e strukturave të Partisë Socialiste në Shkodër, lajm që u pohua 2 ditë më parë nga koordinatori i PS në Shkodër, deputeti Arben Pëllumbi, ka sjellë reagimin e ish-kreut të Partisë Socialiste të Shkodrës Ndue Dodaj.
Ky i fundit thekson se me këtë vendim është shkelur statuti i PS-së.
Sipas tij të deleguarit e partisë i kanë vlerësuar ardhjet e krerëve të partisë në Shkodër, si kalim kohe e jo detyrë për të ndihmuar e zgjidhur vështirësitë me plane e punë konkrete.
Në 16 nëntor do të organizohen zgjedhjet për delegatët e Kongresit të Partisë Socialiste nga anëtarësia sipas parimit një anëtar, një votë, shkruan “balkanweb”.
Dy ditë më parë në mbledhjen e drejtuar nga deputeti Arben Pëllumbi, të deleguarit e Ramës u përballën me kritika e akuza kryesisht për çështjen e punësimeve në Shkodër.
