SHBA-ja ka larguar qytetarët amerikanë nga qyteti i Wuhan, aty ku e ka origjinën virusi misterioz kinez. Të gjithë shtetasit amerikanë janë larguar me avionë të veçantë të dërguar nga ushtria e SHBA-së, duke qenë se i gjithë qyteti është në karantinë.
Masa ka marrë edhe Australia. Qeveria ka urdhëruar ngritjen e një spitali në Ishullin e Krishtlindjeve për kurimin e të prekurve nga virusi. Sipas autoriteteve, asnjë australian i prekur apo i dyshuar nuk do të lejohet të hyjë në kontinent, pa kaluar më herët në ishullin e Krishtlindjeve, ku do të jetë nën kujdesin e mjekëve.
Britania e Madhe nga ana tjetër, për të shmangur çdo kontakt të mundshëm me Kinën ka anuluar të gjitha fluturimet e drejtpërdrejta me vendin aziatik.
