Avokati i pronarit të “Panorma” Mihal Kokëdhimës, Kujtim Cakrani, nuk i ka kursyer kritikat ndaj ministrit të Turizmit dhe Mjedisit, Blendi Klosi. Mihal Kokëdhima, pas një debati me klientët i ka ndjekur ata, dhe më pas u është hedhur mbi makinë. Me duart me gjak e i kapur mbi kofano, Mihal Kokëdhima ka qëndruar për disa kilometra mbi makinë dhe ka thyer xhamin e parë.
I ftuar në “Opinion”, Cakrani ka dhënë detaje për ngjarjen me turistët spanjollë, duke treguar edhe skepticizëm me gjestin e ministrit, i cili u dërgoi tufë me lule. Ai tha se klienti i tij u hodh para makinës për të mos u shtypur, e ndërsa ministri shkoi atje me lule.
Biseda në studio:
Kujtim Cakrani: Klienti im u hodh para makinës për të mos u shtypur. Nëse nuk do të kishte dalë videoja, nuk do ishte bërë ngjarja publike fare. Ministri vajti atje me lule, sikur po takonte të dashurën.
Blendi Klosi: Mos u merrni me lulet e mia, ato krijuan një imazh shumë pozitiv. Ata u kthyen në ambasadorë të Shqipërisë.
