Një ngjarje e rëndë është regjistruar mbrëmjen e sotme në Lushnjë, teksa një burrë ka plagosur me thikë një infermiere.
Sipas policisë, shtetasi A. M., 36 vjeç, ka goditur me mjet prerës shtetasen A. T., 59 vjeçe, infermiere në qendrën shëndetësore në fshatin Arrëz. Kjo e fundit kishte shkuar në banesën e autorit, për t’i bërë gjilpërën nënës së tij të sëmurë.
Pas këtij akti, 36-vjecari është larguar nga shtëpia por është arrestuar më pas në flagrancë. Policia bën me dije se infermierja 59-vjeçare ndodhet jashtë rrezikut për jetën.
Njoftimi i policisë:
Policia kap dhe arreston në kohë rekord autorin e plagosjes me thikë të infermieres së qëndrës shëndetësore në fshatin Arrëz.
Sot, rreth orës 19:15, në fshatin Arrëz, Lushnjë, shtetasi A. M., 36 vjeç, ka goditur me mjet prerës (thikë), shtetasen A. T., 59 vjeçe, infermiere në qëndrën shëndetësore në fshatin Arrëz, e cila kishte shkuar në banesën e autorit për t’i bërë gjilpërën nënës së tij të sëmurë.
Pasi ka goditur infermieren, shtetasi A. M. është larguar nga banesa, por pas reagimit të menjëhershëm të Policisë u kap dhe u arrestua në flagrancë, në tentativë për t’u larguar nga vendngjarja.
Shtetasja A. T. ndodhet në spitalin e Lushnjës, nën kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të kësaj ngjarjeje