Detaje të tjera kanë dalë në dritë sa i përket ngjarjes që tronditi Shkodrën këtë mesditë.
Gjergj Krygja, 43-vjeç mbeti i vrarë si pasojë e plagës së marrë nga goditja me armë zjarri. BalkanWeb raporton se Krygja kishte shkuar në fshat për të mbledhur prodhimet e dimrit, që ka në tokat bujqësore, kur është qëlluar për vdekje.
43-vjeçari nuk jetonte në banesën ku u gjet i vdekur, në fshatin Sumë të Dukagjinit. Ai shkonte atje vetëm për të mbledhur prodhimet e dimrit.
Kjo është ngjarja e dytë që ndodh në Dukagjin, brenda pak javësh, pasi më 21 tetor u ekzekutua 55-vjeçari Lazër Arraj, teksa edhe ai kishte shkuar në fshat për të mbledhur prodhimet e dimrit. Për këtë vrasje, është arrestuar kushëriri i viktimës, i riu Marash Arraj, ndërsa u zbulua se ngjarja kishte ndodhur për shkak të konflikteve të vjetra mes familjeve.
