Një ngjarje e rëndë ka tronditur qytetin e Vlorës mesditën e kësaj të shtune, ku një vajzë 20-vjeçare ka mbetur e plagosur. 20-vjeçarja Kostandina Zanaj, lindur në Berat, studente në Vlorë është plagosur nga Fadil Nikaj, 30 vjeç, banues në Shkodër.
Sherri mes çiftit ka degraduar në përdorimin e armës së zjarrit dhe të granatave. Ngjarja ka ndodhur në mesditë, rreth orës 12:00, në zonën e njohur si Poliklinika në qytetin e Vlorës.
Thuhet se situata ka agravuar për shkak të një ndarje, për të cilën 30 vjeçari nuk binte dakord.
30 vjeçari dyshohet se pas një konflikti, ka plagosur me armë zjarri shtetasen Kostandina Zanaj, 20 vjeçe, studente në qytetin e Vlorës, të cilët dyshohen se kanë patur një lidhje dashurie të mëparshme.
