Ekzekutimi i vëllezërve Astrit dhe Ibrahim Bilali e çojnë në 11 numrin e vrasjeve në Shkodër brenda tetë muajve. Saga e ekzekutimeve nisi në 15 korrikun e vitit të shkuar, kur para banesës ku banonin u ekzekutuan ish-polici Boran Bercana dhe bashkëjetuesja e tij, Silvi Ndoci, e cila në momentin e vrasjes, mbante në duar foshnjen e saj.
Artan Hoxha nxjerr fotot dhe plas ‘bombën’: E gjithë Shkodra e di kush janë vrasësit!
Policia e Shkodrës ka dhënë detajet e para zyrtare rreth ngjarjes së rëndë që ndodhi në këtë qytet, ku u ekzekutuan me armë zjarri dy vëllezërit Bilali.
Shkodër/Informacion paraprak
Më datë 30.03.2019, rreth orës 09:45, në lagjen “Guerile” në vendin e quajtur “Zooteknika”, nga persona ende të pa identifikuar janë vrarë me armë zjarri shtetasit A. B. 59 vjeç dhe B. B., 61 vjeç (vëllezër). Shërbimet e policisë kanë shkuar menjëherë në vendngjarje, dhe janë vënë në ndjekje të autorëve, të cilët pas ngjarjes janë larguar me një automjet i cili është gjetur duke u djegur në një rrugicë në brendësi të lagjes ku ka ndodhur ngjarja.
Në ndihmë të Policisë së Shkodrës janë vënë forcat FNSH Shkodër, ku janë ngritur pika kontrolli, si dhe po bëhet krehja në një perimetër të gjerë të zonës, me qëllim kapjen e autorëve.
Gjithashtu nga Drejtoria e Përgjithshme e Policisë së Shtetit është nisur një grup i posaçëm me ekspertë dhe drejtues të Policisë Kriminale dhe asaj të Rendit, për t’ju bashkuar grupit hetimor të ngritur për zbardhjen e kësaj ngjarje.
Policia e Shkodrës kërkon bashkëpunimin e qytetarëve që çdo informacion sado të vlefshëm që mund të kenë, të njoftojnë në numrin 112 ose në numrin 0 69 410 2147, duke ju garantuar ruajtjen e plotë të anonimatit.
