Një operacion antidrogë me metoda speciale të hetimit, i koduar “Pedonalja” është zhvilluar në Shkodër, ku ka rënë në pranga një 26-vjeçar.
Ky i fundit, i identifikuar si Blerim Harusha shpërndante kokainë. Gjatë kontrollit fizik në vendin e quajtur “Pedonale” në lagjen “Vasil Shanto”, të riut iu gjetën dhe u sekuestruan në cilësinë e provës materiale 4 doza lëndë narkotike e dyshuar Kokainë.
Pas kontrollit në banesën e Harushës, në lagjen “Ajasem”, iu gjetën dhe u sekuestruan në cilësinë e provës materiale 114 doza të tjera të lëndës narkotike e dyshuar Kokainë.
Gjithashtu u sekuestruan në cilësinë e provës materiale edhe 9 telefona celularë dhe disa kartëmonedha me vlera të ndryshme.
