Të shtëna me armë zjarri janë regjistruar mbrëmjen e sotme në Shkodër. Ngjarja ka ndodhur pak minuta më parë pranë tregut të fruta-perimeve në lagjen “5 heronjtë e Vigut”.
”Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit A. P.”, informon policia.
Fatmirësisht, nga verifikimet paraprake të bëra nga shërbimet e Policisë, nuk ka persona të dëmtuar.
Mësohet se biznesi është në pronësi të një efektivi të ‘Shqiponjës’, Alfred Pjetri.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër
