Një asteroid gjigant është fiksuar nga shkencëtarët italianë. Asteroidi është zbuluar të premten e kaluar në afërsi të diellit. Fillimisht trupi gjigant hapësinor është dalluar nga astrofizikani Dr Gianluca Masi, raporton “The Sun”.
Masi është një nga autorët e projektit të Teleskopit Virtual në Itali dhe i pyetur ai ka treguar një entuziazëm të jashtëzakonshëm për zbulimin e bërë.
Asteroidi është emërtuar 2020 AN3 dhe është etiketuar si “potencialisht i rrezikshëm” për jetën në Tokë. Sipas Masit, ai është në një largësi 1.9 milion milje larg. Në fotografi, shkëmbi hapësinor është një pikë e vogël, por diametri i tij vlerësohet të jetë mbi 500 metra.
