E diel, 13 Qershor, 2021
22.5 C
Tirana

Shkenca shpjegon: Si godet koronavirusi organizmin

COVID-19, sëmundja që shkaktohet nga koronavirusi, në shumë raste kalon pa shfaqur simptoma.

Por në një pjesë të mirë të popullsisë ajo sjell komplikime të rënda deri në vdekje.

Shkencëtarët tani shpjegojnë mekanizmin e patogjenit në organizëm dhe si sëmundja arrin ta mposhtë rezistencën e sistemit imunitar:

Koronavirusi përhapet përmes pikëzave të sekrecioneve që lëshon individi i infektuar përmes teshtimës apo kollës, ose thjesht duke folur.

Një studim mbi sekuencën gjenetike të koronavirusit, i botuar në Revistën e Shoqatës Mjekësore Amerikane, tregon se virusi sulmon qelizat njerëzore me receptorin ACE2.

Kjo tregon se këto qeliza të shtresës së jashtme të indit në mushkëri dhe organe të tjera, janë viktimat e para të virusit.

Virusi krijon mutacione në proteinën RBD, gjë që i lejon të përdorë receptorët ACE2 për t’u futur në qelizat njerëzore.

Shoqata Britanike e Imunologjisë shpjegon se virusi merr nën kontroll procesin e funksionimit të qelizës dhe e detyron qelizën të prodhojë kopje të reja të koronavirusit.

Presioni biologjik që ushtron patogjeni mbi qelizën sjell më pas vdekjen e qelizës dhe si rezultat dëmtimin e indit organik.

Ndërkohë vetë organizmi përpiqet të luftojë infeksionin duke dërguar qelizat T të sistemit mbrojtjes imunitare. Këto qeliza kërkojnë të gjejnë dhe shkatërrojnë qelizat e kompromentuara të trupit. Pra në përpjekje për të luftuar patogjenin, trupi godet dhe vret qelizat e veta duke shkaktuar dëmtim të mëtejshëm të indit.

Me përhapjen e infeksionit, mushkëritë mund të ënjten dhe të mbushen me lëng.

I sëmuri shfaq temperaturë, vështirësi në frymëmarrje dhe dhimbje muskujsh. E përditshmja New York Times citon shkencëtarë, sipas të cilëve virusi mund të lëvizë përmes gjakut dhe të sulmojë edhe zemrën, veshkat dhe mëlçinë. Po ashtu, infeksioni në mushkëri ul nivelin e oksigjenit në gjak.

Lexo edhe :   Pandemia/ Një 73-vjeçar nuk e fiton betejën me Covid, 11 raste të reja
Lexo edhe :   34 mijë maturantë testohen sot për lëndën e matematikës

Spitali Universitar “George Washington” në kryeqytetin amerikan njofton se 20% e pacientëve shfaqin simptoma. Prej tyre, disa e kanë aq të rëndë sa që nuk janë në gjendje të marrin frymë pa aparatura oksigjeni dhe ndërhyrje nga mjekët. /Voa

- Reklama -

Më shumë nga kategoria




Të fundit

G7 me projekte alternative kundrejt Kinës

Si kundërpeshë ndaj Kinës, shtetet e G7-s ranë dakord në samitin e tyre në Cornwall për një iniciativë globale për projekte infrastrukturore. Temat ekonomike dhe...

PD/ Basha i pari që votoi nga kandidatët, fjala e tij për median

Lulzim Basha ka qenë i pari nga kandidatët në votim për kreun e PD-së që ka votuar sot. Në fjalën e tij për median...

SHÇBA: Shpërndante koka*në, arrestohet efektivi i “Shqiponjave”

Shërbimi për Çështjet e Brendshme dhe Ankesat, ka dalë me një njoftim ku ka bërë me dije arrestimin e efektivit të Shqiponjave në Sarandë, Lavdosh...

UFC 263/ Israel Adesanya ruan titullin ndaj italianit Vettori. Humb Nate Diaz

Israel Adesanya ruajti titullin e tij në peshën e mesme mëngjesin e sotëm duke mundur italianin Marvin Vettori me vendim unanim në ndeshjen kryesore...

Aksident i rëndë në Fushë Krujë, plagosen anëtarët e një familjeje dhe dy gra

Një aksident i rëndë ka ndodhur këtë paradite në aksin Fushë Krujë-Tiranë, në afërsi të Larushkut. Mësohet se tre makina, një “Benz”, një “Opel”...