Vllaznia në futboll për femra shkruan historinë duke u bërë skuadra e parë shqiptare që arrin të kualifikohet në grupet e Champions-it. Shkodranet u renditën të parat në grupin 10 paraeliminator duke fituar të drejtën të jenë pjesë e 32 ekipeve më të mira të kontinentit. Në ndeshjen e fundit në grup, Vllaznia arriti të merrte një barazim 1-1 ndaj kampioneve të Lituanisë Gintra.
Vllaznia luajti me një formacion te kujdesshëm, duke filluar nga portieria Etzel, për të vazhduar me katërshen e mbrojtjes të përbërë nga Maliqi, Gjini, Blanchard dhe Bajraktari.
Në mesfushë përveç Popoviç, janë aktivizuar edhe Dauzat, Mustafaj, Vuliç ndërsa në sulm luajtën amerikania Doyle si dhe Megi Doçi. Kjo e fundit me një 11-metërsh në minutën e 78-të barazoi shifrat duke i dhënë kualifikimin historik vajzave kuqeblu. Në sfidat paraeliminatore që u mbajtën në Lituani, Vllaznia u rendit e para në grupin 10, me 2 fitore dhe 1 barazim.
