Pak ditë më parë, moderatorja e njohur e programit të mëngjesit ‘Wake Up’, Ori Nebijaj, i konsideroi ‘shkarravina’ figurat që shihte në ekran. Ajo i dha fund aludimeve të ndjekësve në rrjetet sociale, duke thënë se mendimet e saj lidheshin me moderatoren Barbara D’Urso, padronen e së dielës në ‘Canale 5’. Por nga ana tjetër ndjekësit e kanë lidhur postimin me Megi Pojanin, e cila në të njëjtin orar është në ‘Top Channel’.
Ori Nebijaj pushtoi mediat rozë me deklaratën e saj të fortë, që u mendua se ishte për Megi Pojanin.
“Pu pu pu. E diela në shtëpi përfundimisht një torturë për sytë nëse bën ‘zapping’ në televizor. Ca emisione shtërpë dhe tallava e ca shkarravina që bëjnë si moderatore, por që shkaktojnë dhimbje sysh dhe veshësh”, shkruante Ori.
Pas zhurmës që shkaktuan postimet e moderatores, duket se ajo ka vendosur t’i qëndrojë po të njëjtit mendim.
“Nuk e tërheq mbrapsht çfarë thashë. Nëse e thashë atë, qëndron”, shkruhet në postimin e fundit të Nebijaj në ‘Instagram’. Nuk dihet nëse ky postim lidhet me deklaratat e mëparshme të Orit, megjithatë moderatorja ka zgjedhur të dielën për ta bërë ngatërresën sërish njëlloj.
