Kryeministri Edi Rama ka reaguar pas deklaratës së bërë nga kreu i Partisë Demokratike, Lulzim Basha mbi vendimin e Këshillit të Ministrave për të shkarkuar nga detyra kryebashkiakun e Vaut të Dejës, Zef Hilën.
Ndërsa lideri demokrat e cilësoi këtë vendim një hakmarrje personale të Ramës, kryeministri i është përgjigjur përmes një postimi në “Twitter” duke i thënë se ka ardhur koha të marrë përgjegjësi për “dyfytyrësinë e javës së fundit”.
“Artist, dil jepi xhevap Zef Hilës që tha shkollën e dogje ti me atë fotokopjen e shëmtuar të enveristëve më kokëboshë të 91shit, Aleanca e Demokratëve a si e quan ti! Dil Artist, se është koha të marrësh përgjegjësi për dyfytyrësinë e javës së fundit, hidh gurin e fshih dorën”, shkruan Rama.
