Federata Shqiptare e Futbollit është vënë në lëvizje për gjetjen e trajnerit të ri të Kombëtares Shqiptare. Duket se Edoardo Reja është deri më tani personi më i mundshëm që pritet të zëvendësojë Panuccin, pas humbjes ndaj Turqisë.
Ish trajneri i Napolit ishte prezent në tribunën vip të stadiumit “Loro Boriçi” ku ndoqi live sfidën kundër Turqisë. Megjithatë, Reja duket se është ende duke e menduar ofertën e Federatës Shqiptare.
Madje, sipas “Corriere dello Sport”, edhe kryeministri Edi Rama u përpoq të bindë Rejan që të pranonte ofertën e FSHF.
Duket se përcaktues në këtë pikë, do të jetë miqësia që Reja ka me drejtorin Sportiv të Lazios, Igli Tare, një ikonë e përfaqësueses shqiptar.
Corriere zbulon edhe disa prapaskena që sollën shkarkimin e Panuccit. Sipas së përditshmes italiane, veç rezultateve dhe sjelljes së tij, vendimtare ka qenë edhe lënia jashtë e Tomas Strakoshës, i cili nuk u grumbullua pasi humbi avionin.
