Këshilli i Lartë Gjyqësor ka rrëzuar kërkesën e presidentit Meta, për shkarkimin e Ardian Dvoranit, nga kreu i KED, me pretendimin se i ka mbaruar mandati.
KLGJ i ka dhënë kohë Dvoranit, sakaq është duke pritur asistencë nga partnerët ndërkombëtarë. Gjatë mbledhjes së sotme, KLGJ-ja vendosi me shumicë votash që Dvoranit t’i vihen në dispozicion dokumentet për procedurën e ndjekur për emërimin e 3 gjyqtarëve në Gjykatën e Lartë.
Shkak për mbledhjen e sotme është bërë letra që presidenti Meta i dërgoi KLGJ-së, duke i vënë në dijeni për mandatin e tij. Dvorani në dëshminë e tij tha se presidenti duhet të jetë më i përmbajtur, ndërsa shtoi se nuk ka kompetencë të kërkojë largimin e tij nga detyra.
