Kryeministri Edi Rama tha sonte se nuk i intereson fare se çfarë ndodh me ish-kryepolicin Haki Çako. I ftuar në emisionin “Tonight Ilva Tare”, Rama tha se nuk ka pasur, nuk ka dhe as nuk do të ketë asnjëherë marrëdhënie me Drejtorin e Përgjithshëm të Policisë së Shtetit. I pyetur nga gazetarja Ilva Tare se cila ishte arsyeja që Haki Çako u lirua nga detyra dhe nuk u shkarkua ashtu si e parashikon ligji; kryeministri refuzoi që të flasë. Rama iu përgjigj gazetares se nuk ka kohë për të humbur më këtë çështje.
“Pse të humbasim kohë më këtë tani. Skam pasur kurrë marrëdhënie me drejtorin e përgjithshëm të policisë as kam për të pasur. Unë kam vendosur kontakte me Çakon kur doli ajo për zgjedhjet. Dhe nga raporti i OSBE-së u tha që në zgjedhje policia pati një performancë shumë të mirë,” deklaroi kryeministri Rama.
Duhet theksuar se Drejtori i Policisë së Shtetit shkarkohet nga posti drejtues në bazë të disa neneve, të cilat janë të parashikuara në Kushtetutën e Republikës së Shqipërisë, por këtu ka një mospërputhje mes vendimit të Këshillit të Ministrave dhe ligjit për Policinë e Shtetit.
Por këtu vërehet një mospërputhje vendimit të Këshillit të Ministrave, pasi aty theksohet se lirohet në detyra drejtori i përgjithshëm i Policisë së Shtetit, duke iu referuar nenit 15, pika 3, por ai nuk rezulton të jetë shkarkuar, çka rrit dyshimet se vetë Çako mund ta dërgojë çështjen në gjykatë dhe të kërkojë arsyet e vërteta të lirimit nga detyra.
Cili është qëllimi i mospërputhjes mes VKM-së dhe parashikimit në ligjin e Policisë së Shtetit, kjo është një rastësi apo një lojë, e cila po luhet në kurriz të taksapaguesve shqiptarë.
Përse u shkarkua nga posti i drejtorit Haki Çako, a janë ndjekur të gjitha parashikimet ligjore ndaj tij?Neni 15 për Policinë e Shtetit, parashikon të drejta dhe detyrimet që ka drejtuesi i Policisë së Shtetit. Drejtori i përgjithshëm i Policisë së Shtetit largohet nga detyra në rast se rezulton i dënuar nga gjykata në formë të prerë, për kryerjen e një vepre penale, kur nuk përmbushen objektivat strategjikë për shkak të performancës së ulët.
Por shkarkimi i Çakos është bërë me vendim të Këshillit të Ministrave, me propozimin e ministrit të Brendshëm, Fatmir Xhafaj.Sakaq, në lidhje me parashikimet e Kushtetutës të gjitha sanksionet ligjore flasin pozitivisht ndaj Çakos me përjashtim të nenit 15 pika 2, i cili flet për mospërmbushjen e objektivave strategjikë.
Ligji i Policise Se Shtetit – 2014 by Tirana Today on Scribd
Nga kjo mund të thuhet se shkarkimi i Çakos lidhet me performancën e ulët në kryerjen e punës si drejtues i përgjithshëm i Policisë së Shtetit. Në fjalën e tij Xhafa theksoi se policisë tashmë i duhet një frymë e re me personazhe të reja.
