Një 38-vjeçar ka përfunduar në pranga pasi ka shkaktuar panik të madh në një lokal.
Personi në fjalë raportohet se ka hyrë në lokal me armë zjarri me vete dhe pas një telefonate të bërë në sallën e policisë, në vend kanë mbërritur forcat “Shqiponja” që kanë bërë edhe prangosjen e 38-vjeçarit, duke i sekuestruar edhe armën e zjarrit tip pistoletë.
“Shërbimet e Komisariatit të Policisë Durrës, në bashkëpunim me forcën “Shqiponjat”, pas telefonatës së marrë në sallën operative të DVP Durrës se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë nga qytetari.
Shërbimet e Policisë arrestuan në flagrancë shtetasin A. S., 38 vjeç, banues në Durrës, pasi pas kontrollit fizik të ushtruar ndaj këtij shtetasi,
Policia gjeti dhe sekuestroi në cilësinë e provës materiale një armë zjarri pistoletë “Ekol”, të cilën e mbante pa leje.
Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”, për të cilën parashikohet dënimi deri në 7 vite burg”, thuhet në njoftimin e policisë.
