Banorë të Shijakut kanë dalë sot në protestë për të kundërshtuar ndërtimin e një impianti për mbetjet spitalore dhe përpunimin e kafshëve të ngordhura.
Në protestë janë bashkuar rreth 300 banorë të lagjes “Kece” në Shijak, të cilët janë shprehur se nuk janë njohur me vendimin për ndërtimin e këtij impianti, i cili sipas tyre do të ndotë ambientin dhe do të ndikojë në shëndetin e tyre.
Sipas BalkanWeb, banorët janë konfrontuar edhe me policinë, ndërsa kjo e fundit nuk i ka lejuar mediat që të filmojnë brenda ambienteve ku pritet të ndërtohet impianti.
