Situata nga koronavirusi në Brazil vijon të përkeqësohet, teksa vendi tashmë renditet i gjashti në botë për numrin më të madh të viktimave.
Në 24 orët e fundit në Brazil janë shënuar 667 viktima dhe rreth 12 mijë raste të reja infektimi.
Që nga shpërthimi i pandemisë, Brazili ka regjistruar më shumë se 126 mijë raste infektimi dhe 8,588 viktima.
Ministri i Shëndetësisë, Nelson Teich tha se qeveria tashmë mund të mbyllë me masa të forta izolimi qytetet më të prekura nga virusi vdekjeprurës.
Kujtojmë se deri më tani, presidenti Jair Bolsonaro nuk ka marrë vendime për izolimin e vendit si shumica e vendeve në botë, duke inkurajuar njerëzit të vazhdojnë punën.
Brazili është një nga dhjetë vendet më të prekura nga koronavirusi në botë. Pas SHBA-ve, Italisë, Mbretërisë së Bashkuar, Spanjës dhe Francës, renditet Brazili për numrin më të madh të viktimave.
- SHBA – 74,809 viktima
- Mbretëria e Bashkuar – 30,076 viktima
- Italia – 29,684 viktima
- Spanja – 25,857 viktima
- Franca – 25,809 viktima
- Brazili – 8,588 viktima
