Spanja po njeh rritje të numrit të viktimave të shkaktuara nga koronavirusi, nga dita në ditë.
Ditën e djeshme Spanja shënoi numrin më të madh të viktimave brenda 24 orëve, teksa 372 persona ndërruan jetë.
Por në 24 orët e fundit ky numër është tejkaluar. Mediat vendase raportojnë se janë shënuar 434 viktima brenda një dite. Kështu numri total i vdekjeve nga koronavirusi në Spanjë shkon në 2,206.
Ndërkohë raportohet se janë regjistruar 4,321 raste të reja, duke e çuar në 27,528 numrin total të rasteve aktive.
Bëhet me dije se mbi 3 mijë persona janë shëruar nga ky virus, ndërsa 2,355 janë në gjendje të rëndë.
Spanja është shteti i dytë në Evropë më i prekur nga koronavirusi, dhe i treti në botë. Numri më i madh i viktimave të shkaktuara nga koronavirusi është në Itali dhe Kinë.
