Ndërsa shumica e vendeve janë duke kaluar valën e dytë të koronavirusit, India ka dhënë shenjat se është në valën e tretë. Ndërsa u duk se situata po përmirësohej, shifrat e të infektuarve përmbysën parashikimet.
Kryeqyteti indian New Delhi, po përjeton një valë të tretë të koronavirusit. Qyteti raportoi 6.842 raste të reja me koronavirus të mërkurën, rritja më e lartë e infeksioneve për të dytën ditë me radhë, sipas Departamentit të Shëndetit të New Delhi-t. Dy ditë më parë, qyteti raportoi 6.725 raste të reja.
“Gjatë ditëve të kaluara, ka pasur një rritje të numrit të rasteve me koronavirus. Mendoj se mund ta quajmë këtë vala e tretë, sepse nga fillimi i tetorit, numrat kishin filluar të binin – madje ranë nën 3.000″, tha dje kryeministri Arvind Kejriwal.
