Policia e Tiranës ka finalizuar operacionin “Shëtitësit 2”, teksa është bërë i mundur arrestimi i dy personave për veprën penale “vjedhja”.
Sipas njoftimit të policisë, janë bërë kontrolle në të gjithë territorin e kryeqytetit për kapjen dhe vënien para përgjegjësisë së personave që kryejnë vjedhje.
Si pasojë, kanë rënë në pranga shtetasi I.M., 29 vjeç, banues në Paskuqan, i cili dyshohet se ka hyrë brenda në një banesë ku ka vjedhur disa orendi shtëpiake. Gjithashtu është bërë i mundur ndalimi i shtetasit A.P.,26 vjeç, banues në Tiranë, i dënuar më parë për vjedhje.
Njoftimi i policisë:
Plan Masash për rritjen e parametrave të sigurisë për parandalimin e vjedhjeve.
Finalizohet operacioni “Shëtitësit 2”.
Kontrolle në të gjithë territorin e kryeqytetit për kapjen dhe venien para përgjegjësisë së personave që kryejnë vjedhje.
Operacion nga Patrullat e Përgjithshme të Komisariateve të Policisë.
Bien në pranga dy persona për veprën penale “Vjedhja”.
Nga Komisariatet e Policisë, në zbatim të Planit të Masave për rritjen e parametrave të sigurisë, për parandalimin e vjedhjeve është organizuar dhe finalizuar operacioni policor i koduar “Shëtitësit 2”.
Në kuadër të operacionit nga shërbimet e Komisariatit Nr. 4, pas njoftimit të ardhur se po tentohej të vidhej një banesë në rrugën “Besa”, u organizua puna dhe u bë arresti në flagrancë i shtetasit I. M.,29 vjeç banues në Paskuqan, i dënuar më parë për vjedhje. Nga hetimet rezultoi se shtetasi në fjalë është autori i dyshuar dhe i një vjedhjeje tjetër të ndodhur në muajin prill, në banesën e shtetasit E. O, ku ka marë disa orendi shtëpiake.
-Nga ana e Patrullave të Përgjithshme dhe Specialistëve për Hetimin e Krimit në Komisariatin e Policisë Nr.3 Tiranë, është bërë ndalimi i shtetasit:
- P., 26 vjeç, banues në Tiranë, i dënuar më parë për vjedhje;
Falë një pune intensive, nisur nga kallëzime të shtetasve të ndryshëm, u dokumentuan dhe dy raste raste të tjera të vjedhjes së biçikletave gjatë muajve qershor dhe korrik.
Materialet i kaluan Prokurorisë së Gjykatës së Shkallës Tiranë për veprën penale “Vjedhja” në ngarkim të shtetasve I. M dhe A. P.
